Tre Bergsøy-spelarar i avgang

Sesongen 2023/2024 er offisielt ferdig og tre dyktige handballspelarar og flotte personar forlet Bergsøy Handball for å ta fatt på nye eventyr.

Simen Angell Haugen

Simen kom til Bergsøy Handball via partnerklubb Spjelkavik IL før sesongen 2023/2024. Den målfarlege trøndaren på linja kom til Bergsøy etter to år i 2. divisjon hos Spjelkavik. Eit konstant uromoment for motstandaren i angrep og ein lagkamerat å sjå opp til når det kjem til mot og innsats- på trening og på kamp. 

I tillegg til at Simen har kriga inne på linja hos Bergsøy og Spjelkavik dei tre siste åra, har han også gjort ferdig bacheloroppgava si – i økonomi og adminstrasjon på NTNU. Bergsøy Handball gratulerar!

Simen blir omtalt som jovial, sosial, heltemodig og haltende (blunk-blunk😉) av sine lagkameratar.

Den blide strekspelaren frå Strindheim endte sesongen 2023/2024 i 1. divisjon med 25 kampar og 125 reine spelemål.

Nicolay Nordli

Nicolay har teken same veg som lagkamerat Simen Angell Haugen: via Spjelkavik IL fant han vegen til Fosnavåg og Bergsøy Handball til sesongen 2023/2024.

Den blide og lune Langhus-gutten har saman med Simen Haugen utgjort den defensive midtblokka til Bergsøy Handball. I tillegg til ein solid forsvarsspelar, vil kanskje mange hugse Nicolay sine offensive bidrag, mest av alt signatur-finta: høgre-venstre-høgre. Fleire motspelarar burde nok komme tilbake med ei pølse meir enn ein gong.

I tillegg til at Nicolay har stoppa spelar etter spelar defensivt, har han også brukt sine tre år på Sunnmøre med å gjere ferdig bacheloren sin i markedsføring, innovasjon og leiing på NTNU. Bergsøy Handball gratulerar!

Nicolay har vore ein trygg og sosial person i årets utgave av Bergsøy Handball og blir omtalt som ein morsom, påliteleg og trygg lagkamerat.

Den lune bakspelaren frå Langhus rakk å spele 26 kampar og score 62 mål for Bergsøy Handball i sesongen 2023/2024.

Raivis Gorbunovs

Raivis kom til Fosnavåg og Bergsøy Handball til sesongen 2021/2022.

Den skotglade bakspelaren frå Latvia var ofte høgt og lavt for Bergsøy, og var svært ofte enten sist eller neste sist på ballen. Noko som resulterte i fleire flotte mål og assistar i Herøyhallen.

I tillegg til at Raivis har styrt bakrekka til Bergsøy har han også vore svært aktiv som trenar for klubben sine yngres-lag. Han var hovudtrenar for klubbens G12-lag og J16-lag i sesongen 2023/2024, og la ned enormt mykje tid til arbeide han gjorde.

Raivis blir omtalt som ein dedikert, seriøs og ein mann med stort konkurranseinstinkt av sine lagkameratar.

Den målfarlege Latviaren rakk å spele 55 kampar for Bergsøy og scora heile 321 mål.

Bergsøy Handball ynskjer å takke dei tre gutane for deira bidrag hos handballfamilien Bergsøy IL og vi takkar for magiske augneblink i Herøyhallen.

Vi ynskjer dykk lukke til videre dit veien førar!